Qurasa/قراصة

القراصة (بانكيك السودان)🤫🙈

بتذكر ذات مرة صاحبتي نزلت صورة لي صحن بانكيك😋 مصور بطريقة محترفة على إحدى شرفات الدول الاوربية في فريم تصويري أقرب ما يكون الى الخيال منه الى الواقع- في تلك البلاد فلتر العدسة وعدمه يفعل الأمر ذاته بالمنظر أمامك- يبهرك😭❤️

ما علينا نرجع لي موضوعنا، المهم صاحبتي دي كانت كاتبه على الصورة إنها "نفسها في بانكيك🥞" قمتا بمنتهى التريقة قلتا ليها إنت قايلة البانكيك دا شنو؟؟؟ 😒😏
قراصة معمولة دوائر صغار🏃‍♀️طبعاً مسحت بي البلاط في تلك اللحظة وعدت الأيام.

الليلة وأنا بفطر مع ماما صباحاً كما التوقيت بتاع الخواجات، ونحن واقعين بي وشنا 😅على صحن القراصة الدافئة القدامنا مع السمنة والعسل🍯، إتذكرت صاحبتي التانية وهي بتحكي لي عن منطقة جنوب الخرطوم فيها القراصة بتتعمل بإضافة الحليب 🤔في خليطها قبل ما تتحمر، الموضوع دا إستحثاني ☺️أعمل شوية بحث عن القراصة في السودان ودا الطلعتا بيهو:
🌾مكوناتها الأساسية هي دقيق القمح (دقيق مخصوص/دقيق القراصة) مع رشة الملح🧂 ومياة دافئة بالإضافة للمواد المخمرة (باكنج باودر/خميرة) او الاثنين سوياً، في ناس بتضيف الحليب 🥛وآخرين بيضيفوا البيض🥚،في ناس بتحمرها بالسمنة وفي ناس بيستخدموا الزيت، الحاجة دي بتختلف من بيئة للتانية حسب توفر المواد.
🌾بتختلف مقاسات القراصة من مكان للثاني وسمكها حسب نوع الإضافة الحتتأكل معاها القراصة، ممكن تلقى واحدة قطرها قريب لي قطر طرقة الكسرة وآخرى في حجم كف اليد...
🌾القراصة تصلح للأكل مع إضافات سكرية المذاق (سكر/عسل🍯/نوتلا) ومالحة (دمعة دجاج🍗 او لحمة🍖/مفروكة بامية...)
🌾القراصة وجبة ذات قيمة غذائية عالية جدا جدا ولو خيروني مفترض تكون الفطور رقم احد في كل المطاعم البتقدم وجبة االإفطار في السودان🇸🇩...
🌾في نوع من القراصات بيعملوهو البائعات 🧕 على أرصف الطرقات في جميع أنحاء السودان بتكون بحجم كف اليد😝🤚... لو ما عرفتها خليك متابع صفحتنا عشان نحكي ليك عنها.اما لو بقيت شفت/تة وعرفتوا فياريت تشاركنا صورتها في التعليقات
- #ضواقة #رحلة_إستكشاف

نهضة أرباب

Qurasa (The Sudanese Pancake)🥞🤫
I remember once upon a time a friend of mine uploaded a photo of a pancake dish😋 taken professionally by a food photographer in Europe,
Which wasn't that different from reality both seem to be fascinating. 😭❤️
She expressed on that photo About her craving for a pancake so much, and just to tease her I replied saying " What do you think a pancake really is?😒😒 It's just a smaller size of our Qurasa"
Of course she hated me that moment.

This morning when me and my mother were eating Qurasa with honey🍯and local butter toppings I remembered another friend of mine that told me there is a place in the north side of khartoum that people there make Qurasa with milk🥛 inside.

This piece of information motivated me to search about Sudanese Qurasa
Here's what I found :
Primer ingredients of Qurasa are: Flour , warm water, salt🧂, backing powder, some people add milk🥛, others eggs🥚...
It differs from a region to another and accordingly to the available materials.

Sizes of Qurasa can be very different from 50-5cm Diameter.
Qurasa can be eaten as a desert with the addition of (sugar,honey🍯, nutella...)
Or as part of a main dish with chicken🍗 or beef🍖 broth mixed with tomato sauce which calls Dam'aa.

Qurasa is a very nutritious meal and it should be served as the number one breakfast meal in all restaurants in Sudan.

There is a type of Qurasa that is considered street food made by women all around Sudan that is the size of your palm🤚,
If you haven't heard about it stay close to learn more, and if you have please share a photo or comment in the comments below.

#Dowa8a #journey_to_discover

Nahada Arbaab